Tuesday, 27, October, 2020 info@saipalnews.com

उत्तेजित भीडले जब निर्वस्त्र बनाएर महिलालाई शहर घुमायो

बलत्कारीलाई फाँसीको सजाय माग गर्दै नेपालमा अर्धनग्न प्रदर्शन भइरहेका बेला भारतमा हत्या आरोपमा एक महिलालाई नांगै शहर घुमाइएको घटना बाहिरिएकाे छ ।

बिहारको भोजपुर जिल्लास्थित बिहिया शहरमा उत्तेजक समूहले १९ वर्षीय युवकको हत्यामा संलग्न भएको शंका गरिएकी महिलालाई नियन्त्रणमा लिएर निर्वस्त्र घुमाएको हो ।

बीबीसीका अनुसार उग्र भीडले शुरुमा केही घर तथा गाडीमा आगजनी गरेकाे थियाे । भीड कतिसम्म आक्रोसित थियो भने त्यसपछि ती महिलाको घरतरि लाग्यो ।  भीडले ती महिलालाई घरबाटै जबरजस्ती बाहिर निकाल्यो र कुटपिट गरेर निर्वस्त्र पारिदियो ।

निर्वस्त्र पारिदिँदा पनि भीडको रिस साम्य भएन, उनीहरुले ती महिलालाई यही अवस्थामा शहर घुमाए ।

ती महिलाको पहिचान भने खुलाइएको छैन ।

प्रहरीले ती महिलालाई ठूलै संघर्ष गरेर छुटाउन परेको थियो । अहिले यो घटनाको भीडीयो सामाजिक सञ्जालमा भाइरल भइरहेको छ ।

समाचार अनुसार यति ठूलो अप्रिय घटना हुँदासमेत काबुमा राख्न नसकेकाे भन्दै केही प्रहरी निलम्बित भएका छन् ।