Saturday, 26, September, 2020 info@saipalnews.com

निःशुल्क मधुमेह जाँच घरदैलो अभियान शुरु

माघ ११ धनगढी । धनगढी डाइग्नोस्टिक्स एण्ड रिसर्च सेन्टर प्रालिले निःशुल्क मधुमेह जाँच र घरदैलो अभियानको सुरुवात गरेको छ । जाँच अभियान धनगढी उपमहानगर पालिका ६ ढुङ्गेबजारमा रहेको कृष्ण मन्दिरमाबाट सुरुवात गरेको हो । सहरी क्षेत्रमा मधुमेहकोप्रकोप बढेपछि  अभियान सुरूवात गरेको धनगढी डाइग्नोस्टिक्स एण्ड रिसर्च सेन्टर प्रालिका अध्यक्ष मिन बहादुर धामीले बताए ।

मधुमेह अर्थात डाइबिटिज  रगतमा ग्लुकोजको  मात्रा बढि भएपछि हुने रोग  हो ।  इन्सुलिन हर्मोनको अनियमितता हुदा मधुमेह हुने  भन्दैधामीले खान पान र नियमित शारीरिक अभ्यासले मधुमेह नियन्त्रण हुने जानकारी दिए ।

कृष्ण मंदीरका अध्यक्ष  उमाकान्त जोशीबाट रगत लिएर कार्यक्रमको शुभारम्भ भएको थियो । मधुमेह जाँच शिविरमा महिला पुरुष गरीजम्मा एक सय पांच  जनाको रगत जाँच परिक्षण भएको छ । रगत परिक्षण गरेका   मध्ये दश जानलाई मधुमेह सुगरको लक्षण देखापरेको धनगढी डाइग्नोस्टिक्स एण्ड रिसर्च सेन्टर प्रालिका प्रबन्धक निर्देशक महेन्द्र साउदले वताए ।