Thursday, 27, January, 2022 info@saipalnews.com

आखिर खरानी भएर नै जान्छन दामी दामी मान्छे

bhatta

गजल

सँगै लिएर जान्छन् आफ्ना कर्तुत बदनामी मान्छे।

त्यही भएर पो कठै भन्दा हुन गएका मलामी मान्छे।।

किन घमण्ड गर्छन मान्छे आफ्नो रुप र सम्पतिमा ।

आखिर खरानी भएर नै जान्छन दामी दामी मान्छे।।

बदलिएछन र सायद सामाजिक मूल्य मान्यताहरू ।

र त ठुला भ्रष्टहरूलाई दिन्छन ठुला सलामी मान्छे।।

जिउदो छँदा धनी,गरिव,तल्लो,उपल्लो के के हो ?

मर्दा त्यसरी नै जलाइन्छ्न ब्राह्मण र कामी मान्छे।।

मर्दा समवेदना दिने समाज जिउन दिदैन ढुक्कले ।

दुखाइ रहन्छ घाउ पटक पटक छामी छामी मान्छे।।