Saturday, 18, September, 2021 info@saipalnews.com

सन्दीप आवद्ध जमैकाको खेल आज राति १२ बजे

काठमाडौँ २० भदौ । क्यारेबियन प्रिमियर लिग सिपीएल अन्तर्गत सन्दीप लामिछाने आबद्ध जमैका तालवाजले आफ्नो नवौँ खेल आज राति खेल्दै छ। ट्रिनिडाडस्थित ब्रायन लारा रंगशालामा जमैकाले नवौँ खेल बार्बाडोस ट्रिनिडाडविरुद्ध खेल्नेछ। उक्त खेल राति १२ बजे शुरु हुने छ।

बार्बाडोसको भने यो १०औँ खेल हो। बार्बाडोससितको खेल जित्नका लागि जमैकाले ब्याटिङमा सुधार गर्नुपर्ने छ। जमैकाको ब्याटिङ लाइन कमजोर रहँदै आएको छ। जमैका बलिङमाथि निर्भर रहँदै आएको छ।

जमैकाले आठौँ खेल वर्षाका कारण खेल्न पाएको थिएन। जमैका तीन खेलमा जित हात पार्दै अंक तालिकाको चौथो स्थानमा छ। दुई खेल अगावै जमैका सेमिफाइनल प्रवेश गरिसकेको छ। बार्बाडोस पाँचौँ स्थानमा रहेको छ। बार्बाडोस सिपीएलबाट बाहिरिएको छ।

सन्दीपका लागि आजको खेल महत्वपूर्ण छ। उनले सिपीएलमा हालसम्म सात खेलमा १० विकेट लिइसकेका छन्। सेन्ट किटस् विरुद्धको आठौँ खेल वर्षाका कारण रद्द हुँदा सन्दीपलाई घाटा भएको छ। प्रतियोगितामा उनी सर्वाधिक विकेट लिने खेलाडीको छैटौँ स्थानमा छन्।