Tuesday, 27, October, 2020 info@saipalnews.com

न कतै भोक देख्छ सरकारले न पीडा सुन्छ

bhatta

न कतै भोक देख्छ सरकारले न पीडा सुन्छ।

न हिजोको भूमिका सम्झेछ न त गुन नै गुन्छ।

समाजवाद अनि समृद्धिको नारासँगै चुनावमा

भन्न त हामीले नै भनेको हो खै न कोही रुन्छ।

विरोध गर्न पाइदैन गजवको लोकतन्त्र छ यहाँ,

गुनासो गर्ने अधिकार गुमायो कस्तो नेता चुन्छ।

मिलीजुली खानु पर्छ पख सबैको पालो आउछ,

उसको पालो सकिए समृद्धिले तिमीलाई छुन्छ।

सर्वहाराको सरकार हो उनी त उतै भेट्टिएलान्,

सामन्त खोज्नु परे आउनु धर्म सडक मै हुन्छ।