Wednesday, 21, April, 2021 info@saipalnews.com

प्रचण्ड-माधव पक्षको केन्द्रीय कमिटी बैठक बस्दै

काठमाडौं १९ फागुन । प्रचण्ड-माधव नेपाल नेतृत्वको नेकपाले आज केन्द्रीय कमिटी बैठक बोलाएको छ । प्रतिनिधिसभा पुनःस्थापनापछि पनि पार्टी विभाजनको कानूनी मान्यतामा ढिलाईले सरकार गठनमा अन्यौल भइरहेको बेला भावी रणनीति तय गर्न बैैठक बोलाइएको हो ।

अपरान्ह केन्द्रीय कार्यालयमा केन्द्रीय कमिटी बैठक बस्नुअघि सचिवालय र स्थायी कमिटी बैठक पनि बस्न लागेको केन्द्रीय कार्यालय सचिव गंगालाल तुलाधरले जानकारी दिए । ती बैठकले कार्यसूचि तय गर्नेछन् ।

प्रचण्ड(माधव पक्षले केन्द्रीय सदस्यहरुको नागरिकता र परिचयपत्र सहित हस्ताक्षर संकलन गरिसकेको छ । छुटेकाहरुलाई आज नागकितासहित बैठकमा आउन सूचित गरिएको छ । निर्वाचन आयोगलाई दबाब दिन नागरिकता र परिचयपत्रसहित केन्द्रीय सदस्यहरुलाई लिएर आयोग जाने तयारी प्रचण्ड माधव पक्षको छ ।