Friday, 20, May, 2022 info@saipalnews.com

स्थानीय तह निर्वाचनमा गठबन्धन हुँदैन : गगन थापा

काठमाडौं १ वैशाख । कांग्रेस महामन्त्री गगन थापाले स्थानीय निर्वाचनन गठबन्धनमा रहेका दलहरुबीच स्थानीय कमिटीमा सहमति नभए तालमेल नहुने बताएका छन् ।बिहीबार कांग्रेस काठमाडौं महानगरपालिका वडा नं ८ ले नव वर्ष २०७९ सालको अवसरमा आयोजना गरेको शुभकामना आदान–प्रदान कार्यक्रममा बोल्दै महामन्त्री थापाले सो कुरा बताएका हुन् ।

साथै महामन्त्री थापाले स्थानीय निर्वाचनमा तालमेल गर्ने अधिकार स्थानीय पार्टी कमिटीलाई भएको बताए । गठबन्धनका दलहरुका बिचमा देशभरी छलफल चलिरहेको उल्लेख गर्दै उनले दलहरुका बीचमा स्थानीय स्तरमा कुरा मिलेमा मात्रै तालमेल हुने अन्यथा आ–आफू निर्वाचन लड्ने बताए ।

स्थानीय पार्टी कमिटीले तालमेल नगर्ने भनेमा माथिल्लो तहले तालमेलको निर्णय नथोपर्ने उनले उल्लेख गरे । महामन्त्री थापाले व्यक्तिगत रुपमा आफू तालमेलको पक्षमा नरहेको भएपनि पार्टीले गरेको निर्णय मानेको बताए । उनले राजनीतिमा गठबन्धनको संस्कृति लोकतन्त्रको दीर्घकादीन हितमा छ कि छैन भन्ने विषयमा भने उचित समयमा छलफल गर्नुपर्ने आवश्यकता रहेको बताए ।